aljiriye pirézidénti türkiye bilen tüzülgen töt hemkarliq kélishimini testiqlidi

türkiye awazi radiyosi xewiri: aljiriye pirézidénti  abdulmejid tebbun türkiye bilen tüzülgen töt hemkarliq kélishimini testiqlidi. bu heqtiki xewer aljiriye resmiy gézitining eng yéngi sanida élan qilindi.

tebbun testiqlighan we ikki dölet otturisida imzalanghan pikir birliki we hemkarliq kélishimnamisi ijtimaiy mulazimet, muhit asrash, kanchiliq, dölet halqighan teshkillik jinayetlerge qarshi turush, maarip, terbiyelesh, téxnika, béliqchiliq we su mehsulatliri baqmichiliqi, ammiwi xizmet,  axbarat we uchur - alaqe qatarliq sahelerni öz ichige alidu.

tebbun pirézidéntliq mezgilidiki tunji türkiye ziyaritini 2022-yili 15 – maydin 17 - mayghiche élip barghan bolup, ziyarette ikki dölet otturisidiki birleshme hemkarliq kéngishining tunji yighini échilghan shundaqla ziyaret netijiside nurghun sahelerni öz ichige alghan kélishimler imzalanghan idi.