erdoghan: puqramizni alem boshluqigha ewetish nishanimizgha yétishimizge nahayiti az qaldi

türkiye awazi radiyosi xewiri: jumhur reis erdoghan özining ijtimaiy taratqudiki adrésida, türkiyening xelqara alem ponkitida wezipe öteydighan tunji alem sayahetchisi polkownik alper gezerawjigha orun bérilgen bir sin körünüshni hembehrilep: «milliy alem qatnishi pilanimiz dairiside, tunji qétim bir puqramizni ilim-pen ömiki bilen birlikte alem boshluqigha ewetish nishanimizgha yétishke intayin az qaldi. pexirlen türkiye!» dédi.

türkiyening tunji alem uchquchisi alper gezerawji, 17-yanwarni 18-yanwargha baghlaydighan kéche türkiye waqti saet 1 din 11 minut ötkende xelqara alem ponkitigha qarap yolgha chiqidu.

xelqara alem ponkitida 14 kün wezipe ötüshi pilanliniwatqan gezerawji pen tetqiqatliri üchün alem muhitida bir qisim sinaqlarni élip baridu.