fidan qaradéngiz iqtisadiy hemkarliq teshkilati yighinigha qatnashti

türkiye awazi radiyosi xewiri: türkiye tashqi ishlar ministirliqining ammiwi ortaqlishish tor béti X sehipiside élan qilghan  bayanatida bildürüshiche, tashqi ishlar ministiri xaqan fidan  israiliyening ghezze rayonida dawamlashturuwatqan urushigha xatime bérilishi we uzun muddetlik tinchliq ornitilishining kapaletke ige qilinishi dairiside, islam hemkarliq teshkilati bilen ereb elliri ittipaqi alaqilishish guruppisi,  sikandinawiye we bénéluks döletlirining teklipige binaen yétip barghan norwégiyening paytexti osloda chaqirilghan qaradéngiz iqtisadiy hemkarliq teshkilati tashqi ishlar ministirliri tor yighinigha ishtirak qildi.

yighinda, türkiye iyuldin buyan ötewatqan qaradéngiz iqtisadiy hemkarliq teshkilatining nöwetchi reislik wezipisini albaniyege ötküzüp berdi.

tashqi ishlar ministirliqining tünügün élan qilghan  bayanatida, qaradéngiz iqtisadiy hemkarliq teshkilati tashqi ishlar ministirliri kéngishining 47 – nöwetlik yighini chaqirilidighanliqi eskertilip mundaq déyilgenidi:   

«türkiye qaradéngiz iqtisadiy hemkarliq teshkilatining nöwetchi reislik wezipisini   1 – iyul küni ötküzüwalghan bolup, bu dairide, <yéngiliqni ilgiri sürüsh téxnologiyesilidin paydilinip igilik tiklesh – yéngi usulda igilik tikleshning roli> chiqish nuqta qilinip, intayin muhim xizmetler ishlendi. buning netijiside nahayiti zor muweppeqiyetler qolgha keltürüldi. jümlidin, qaradéngiz iqtisadiy hemkarliq teshkilati nöwetchi reislik wezipisining muhim qaralmiliridin biri bolghan qaradéngiz iqtisadiy hemkarliq teshkilatining iqtisadiy küntertipi höjjiti yéngilandi, layihe tereqqiy qildurush fondining roli jari qilduruldi, qaradéngiz iqtisadiy hemkarliq teshkilati soda kéngishini güllendürüsh yolida körünerlik ilgirileshler qolgha keltürüldi.»