erdoghan ispaniye bash ministiri bilen körüshti
jumhur reis rejep tayyip erdoghan ispaniye bash ministiri pédro sanchéz bilen téléfonda körüshüp, rayon mesililirini muzakire qildi.
türkiye awazi radiyosi xewiri: jumhur reislik mehkimisi uchur-alaqe idaresi jumhur reis rejep tayyip erdoghan bilen ispaniye bash ministiri pédro sanchézning téléfonda körüshkenliki toghrisida bayanat élan qildi.
bayanatta, körüshüshte isirailiyening pelestinliklerge qiliwatqan hujumliri, insanperwerlik yardemlirining ghezzege izchil yetküzülishi üchün tashlashqa tégishlik qedemler we uzun muddetlik urush toxtitish bilen körsitiliwatqan uzun muddetlik tinchliq tirishchanliqlirining muzakire qilinghanliqi bildürüldi.
körüshüshte, rejep tayyip erdoghanning ispaniye hökümitining isirailiye pelestinliklerge qiliwatqan qanunsiz hujumlargha tutqan pozitsiyesi we pelestinni étirap qilish toghrisida élan qilghan bayanatlirining ehmiyetlik ikenlikini eskertip, türkiyening rayonda uzun muddetlik tinchliqni saqlaydighan, kapaletlik qilghuchi dölet bolushni öz ichige alghan her türlük mesuliyetni üstige élishqa, shundaqla ispaniye bilen rayonda tinchliq üchün birlikte tirishchanliq körsitishke teyyar ikenlikini bildürgenliki qeyt qilindi.
