ministir koja ghezzelik bimarlarning ehwali toghrisida melumat berdi
türkiye jumhuriyiti sehiye ministiri fahrettin koja ghezzedin türkiyege élip kélingen 27 bimarning diyagnozlirining jezmleshtürülüp, dawalash xizmetlirining bashlighanliqini bildürdi.
türkiye awazi radiyosi xewiri: koja ijtimaiy taratqudiki adrésida bimarlarning dawalash jeryanigha alaqidar süretler bilen birlikte uchur hembehrilidi.
«ghezzedin dölitimizge élip kélingen 27 bimarning diyagnozi jezmleshti, dawalash jeryani dawamlashmaqta» dégen koja, bimarlar heqqide töwendiki uchurlarni ortaqlashti:
«26 bimargha rak bimari diyagnozi qoyuldi. bularning ichide 12 ayal we 18 yashtin töwen ikki kishi bar. 18 yashtin töwen bimarlarning biride yumshaq hüjeyre raki, yene biride irsiyet xaraktérlik qan késili bayqaldi. quramigha yetken bimarlirimizning sekkizide süt bézi raki, töt nepiride éghir derijidiki öpke raki, üch nepiride yumshaq hüjeyre raki, ikkiside chong üchey raki, biride öt yoli raki, biride dowsaq raki, biride börek raki, biride ashqazan raki, biride limfa raki, biride aq qan késili, biride tére raki yene biride ménge raki dep diyagnoz qoyuldi».
ghezzelik bimarlarning tekshürüsh we dawalash jeryanining enqere bilkent sheher doxturxanisida dawam qiliwatqanliqini bayan qilghan koja, dawalashni mutexessis doxturlarning üstige alghanliqini qeyt qildi.
koja, ikki bimarning bashqa bir qisim késelliklirini közde tutup, éghir késellerni közitish öyide yéqindin közitiliwatqanliqini bildürdi.
مۇناسىۋەتلىك خەۋەرلەر
türkiye liwangha yardem qolini sundi
türkiye israiliyening hujumigha uchrighan liwangha yardem qolini sundi.
xaqan fidan amérikadiki uchrishishlirini dawamlashturmaqta
tashqi ishlar ministiri xaqan fidan qatar emiri sheyx tamim bin hemed el tani bilen körüshti.
