erdoghanning b d t da qilghan sözliri dunya metbuatlirida keng orun aldi

türkiye awazi radiyosi xewiri: erdoghanning israiliyege qarita qilghan sözliri amérika we yawropa taratqulirining birinchi bétide xewer qilindi.

dunya metbuatlirida erdoghanning israiliye bash ministiri bényamin nétanyahu bilen gitlérni sélishturushi aldinqi pilangha chiqti.

erdoghanning qibris heqqidiki sözlirimu girétsiye metbuatlirida bash bettin orun aldi.  

amérikaning «nyuyork waqit géziti» jumhur reis erdoghanning «ghezze dunyadiki ayallar we balilar üchün eng chong qebristanliqqa aylandi» dégen sözini birinchi bétide élan qildi.

gézitte erdoghanning 20 minutqiche israiliye  hökümitini qattiq tenqid qilghanliqi tekitlendi.

«siyaset géziti» mu erdoghanning nétaniyahugha qaratqan tenqidlirige birinchi bettin orun ajratti.  

xewerning témisida erdoghanning «70 yil ilgiri gitlér qandaq toxtitilghan bolsa,  bügünki kündimu nétanyahu choqum shundaq toxtitilishi kérek» dégen sözi ishlitildi.

gérmaniye gézitlirimu erdoghanning nétaniyahu bilen gitlérni sélishturushghanliqini aldinqi betliride xewer qildi.

«Die Welt» géziti erdoghanning b d t gha eza döletlerge xitab qilip «israiliye irqiy qirghinchiliq qiliwatidu» dégenlikini yazdi.

gézitte erdoghanning «nétaniyahu choqum gitlérgha oxshash toxtitilishi kérek» dégen sözi neqil keltürüldi.

sérbiye axbarat agéntliqi « Politika» mu «erdoghan yene bir qétim nétaniyahuni gitlérgha oxshatti» serlewhilik xewer élan qildi.

kirodiye döletlik téléwiziye istansisi «HRT» mu jumhur reis erdoghanning «israiliyeni toxtitinglar» dégenlikini körürmenliri bilen ortaqlashti.

girétsiye taratqulirida bolsa, erdoghanning barliq döletlerni shimaliy qibris türk jumhuriyitini étirap qilishqa chaqirghanliqi xewer qilindi.

döletlik téléwiziye istansisi «ERT» we girétsiye gézitlirimu oxshash mesilini tekitlidi.

«Ta Nea» géziti , «erdoghanning chong doili» serlewhilik xewer élan qildi.