fidan ghezzede derhal urush toxtitishni qayta tekitlidi
tashqi ishlar ministiri xaqan fidan isirailiyening ghezzede séliwatqan zulumning qara déngiz iqtisadiy hemkarliq teshkilati (KEİ) jughrapiyesigimu éghir tesir körsitidighan xewplerni peyda qilidighanliqini eskertip, derhal urush toxtitish kéreklikini bildürdi.
türkiye awazi radiyosi xewiri: türkiye tashqi ishlar ministiri xaqan fidan ukraina paytexti kiyéwde ötküzülgen qara déngiz iqtisadiy hemkarliq teshkilati parlaméntlar birleshmisining 62-nöwetlik omumiy kéngishi yighinigha, teshkilatning nöwetchi reisi bolush süpitide télégramma ewetti.
u dunyaning ukrainadiki urush we wabaning tesirlirini hés qiliwatqan bir waqitta, 7-öktebir (2023) din tartip yüz bériwatqan özgirishlerning, isirailiye-hamas ixtilapigha her daim diqqet qilish kéreklikini xatiriletkenlikini qeyt qildi.
u: «isirailiyening ghezzege séliwatqan zulmi, qara déngiz iqtisadiy hemkarliq teshkilati jughrapiyesigimu éghir xewplerni peyda qilidu. bizning buninggha tutidighan meydanimiz nahayiti roshen bolup, derhal urush toxtitilishi kérek. insanperwerlik yardemlirining izchil yetküzülüshi kapaletke ige qilinishi kérek. xelqara qobul qilghan ikki döletlik hel qilish formulasigha tayanghan tinchliq muzakirelirige qaytish kérek. tinchliqning toluq emelge éshishigha kapaletlik qilidighan méxanizm tesis qilinishi kérek» dédi.
u türkiyening ukrainagha tewrenmes qollishini dawamlashturidighanliqini tekitlep, ukrainaning musteqilliqi, igilik hoquqi we qirimni öz ichige alghan zémin pütünlükini öz ichige alidighan tinchliq üchün her türlük diplomatik tirishchanliqlarnimu dawamlashturidighanliqini, buning qara déngiz kélishimini qaytidin janlandurushnimu öz ichige alidighanliqini qeyt qildi.
