fidan ertughruloghlugha tebrik xéti ewetti

türkiye awazi radiyosi xewiri: ministir xaqan fidan mensepdishi ertughrulgha yollighan tebrik xétide, özining qibris türklirining barawerlik we erkinlik kürishining eng ehmiyetlik namayendisi bolghan shimaliy qibris türk jumhuriyiti qurulghanliqining 40 yilliqi munasiwiti bilen ötküzüwatqan shadliq we xushalliqini chin qelbidin ortaqlishidighanliqini tekitlep: «xelqimiz shimaliy qibris türk jumhuriyitining qurulghandin buyan qolgha keltürgen netijiliridin iptixarlinidu. tinchliq we mesililerni hel qilish terepdari ikenlikini izchil ispatlap kelgen qibris türklirining, duchar qilinghan qanunsizliq we gheyriy insaniy cheklimilerge qarimay, igilik hoquqidin waz kechmeydighanliqini her pursette namayan qilishi, heqqaniy dewamizda küchimizge küch béghishlimaqta» dégenlerni qeyt qildi.

ministir fidan türkiyening bashtin tartipla shimaliy qibris türk jumhuriyitining xelqara jemiyet teripidin étirap qilinishini qolgha keltürüshni burchi dep qarap kelgenlikini bayan qilip, shimaliy qibris türk jumhuriyitining xelqara sehnide tégishlik orungha érishishi üchün, pidakarliq qilishtin özini tartmaydighanliqini eskertti.

türkiyening qibris türk xelqining heq we hoquqini qoghdash üchün, küchlük tedbirlerni yolgha qoyushni dawamlashturidighanliqini tilgha alghan fidan, sözini dawamlashturup mundaq dédi: «bu héssiyat we oy-pikirler bilen, sizning we qimmetlik qibris türki qérindashlirimizning 15 – noyabir jumhuriyet bayrimini chin könglümdin tebrikleymen؛ qibris dewasi yolida shéhitlik mertibisige érishkenlerni öz ichige alghan barliq qehrimanlirimizni hörmet bilen esleymen.»