koja israiliyening shifa doxturxanisigha qilghan hujumini eyiblidi

türkiye awazi radiyosi xewiri: ministir fahrettin koja ijtimaiy taratqudiki adrésida uchur hembehrilep, israiliyening sehiye apparatlirigha we bimarlar we yarilanghanlarni élip mangghan qutquzush mashinilirigha qilghan hujumlirigha naraziliq bildürdi.

u bimarlar we yarilanghanlar bar qutquzush mashinisining hujumgha uchrighanliqini tilgha élip: «xelqara jemiyetning heriketke ötüshi üchün, yene néme ishlar yüz bérishi kérek? israiliyening sehiye apparatlirigha, késel we yarilanghanlarni élip mangghan qutquzush mashinilirigha qilghan nomussiz we insan qélipidin chiqish dégen ibare bilenmu teswirlep bergili bolmaydighan hujumliri dawamlashmaqta. bügün (tünügün), ehwali éghir bolghan, rfah chégra éghizi arqiliq misirgha kirishni kütüwatqan bimarlar we yaridarlar, ularni élip kétish üchün kelgen qutquzush mashiniliridiki peytliride shifa doxturxanisining aldida hujumgha uchridi.

biz yarilinish ehwali éghir bolghan ghezzelik qérindashlirimizni dölitimizge yötkeshke teyyar ikenlikimizni yene bir qétim ipadileymiz. biz xelqara jemiyetning tedbir qollinip, bu qalaymiqan hujumlarni baldurraq toxtitishini telep qilimiz» dégenlerni qeyt qildi.

ghezzediki pelestin sehiye ministirliqi israiliyening shifa doxturxanisining kirish éghizi we qutquzush mashinilirini bombardiman qilishi netijiside 13 pelestinlikning qaza qilghanliqini, 26 pelestinlikning yarilanghanliqini élan qilghanidi.

pelestin islamiy qarshiliq körsitish herikiti – hamasning herbiy qaniti bolghan «qessam birigadisi» 7 – öktebir shenbe küni israiliyening pelestinliklerning we mesjidi eqsani öz ichige alghan muqeddes orunlarning  hörmet we hoquqini izchil depsende qilishigha qarshi keng kölemlik hujum qozghighanliqini élan qilghan. israiliye armiyesimu ghezzeni shiddetlik bombardiman qilishni bashlighanidi.

künséri keskinlishiwatqan toqunushlarda ikki terepte minglarche adem talapetke uchridi.