t r t mudiri asiya-tinch okyan axbarat birleshmisining bashliqi boldi

türkiye awazi radiyosi xewiri: dunyadiki eng chong axbarat birleshmisi hésablinidighan asiya-tinch okyan axbarat birleshmisining körürmini texminen 3.5 milyardqa yétidighan bolup, 65 dölettin 246 ezasi bar. birleshmining 60-nöwetlik omumiy kéngesh yighini jenubiy koréye axbarat idarisi (KBS) ning sahibxanliqida 31-öktebirdin 1-noyabir (2023) ghiche paytext séulda ötküzüldi.

yighinda, t r t bash mudiri mehmet zahid sobaji asiya-tinch okyan axbarat birleshmisining bashliqliqigha saylandi. uning wezipe ötesh mudditi üch yil bolidu.

mehmet zahid sobaji dunyadiki eng chong axbarat birleshmisi bolghan asiya-tinch okyan axbarat birleshmisining bashliqiliqigha saylanghanliqini, türkiyening her sahede rehber dölet bolush nishani üchün ehmiyetlik dep tekitlidi.

u yene, asiya-tinch okyan axbarat birleshmisi bashliqliq wezipisining türkiyege bérilishini, türkiyening yüksélishining bir qedimi we eks étishi dep bildürdi.

u mundaq dédi:

«asiya-tinch okyan axbarat birleshmisi bashliqliq wezipisining türkiye jumhuriyitining 100-yiligha toghra kélishi, bizni bashqiche xushal qildi. bu xelq qandaq sharaitlar astida bolushi we imkaniyetliri qanchilik cheklik bolushidin qetiynezer, küresh qilishtin qetiy waz kechmey nishanini emelge ashurghan. shunga, hazir dunyadiki eng chong axbarat birleshmisi yaritip béridighan imkaniyetler we yoshurun küchlerdin paydilinip, ularni bu meqset üchün seperwer qilip, bu musapini téximu küchlük shekilde élip baralaymiz dep oylaymen» dédi.