özhaseki ezerbeyjan wekiller ömiki bilen körüshti
türkiye muhit asrash, sheher - bazarlashturush we kilimat özgirishi ishliri ministiri mehmet özhaseki ezerbeyjan sheher-bazarlashturush we binakarliq ishliri komitétining reisi anar güliyéw bashchiliqidiki ezerbeyjan wekiller ömiki bilen körüshti.
türkiye awazi radiyosi xewiri: ministir özhaseki bilen ezerbeyjan wekiller ömikining uchrishishida, ezerbeyjan teripidin qahramanmarash wilayitide sélinidighan turalghular heqqide muzakire élip bérildi.
özhaseki ammiwi ortaqlishish tor bétidiki sehipiside, bu heqte bayanat élan qilip mundaq dédi:
«ezerbeyjan sheher-bazarlashturush we binakarliq ishliri komitétining reisi janjiger qérindishimiz anar güliyéw we uning hemrahliqidiki heyet bilen bir yerge jem bolduq. uchrishishta, musheqqetlik künlerde her daim bizge yar – yölek bolup kéliwatqan qérindash dölet ezerbeyjan qahramanmarash shehiride berpa qilidighan turalghular heqqide muzakire élip barduq. <bir millet, ikki dölet> shoari astida ezerbeyjanliq qérindashlirimiz bilen mürini mürige tirep küresh qilishni izchil dawamlashturimiz.»
