erdoghan toqayéw bilen israiliye – pelestin meslisini muzakireleshti
jumhur reis rejep tayyip erdoghan qazaqistan pirézidénti qasim jomert toqayéw bilen téléfonda körüshti.
türkiye awazi radyosi xewiri: jumhur reislik uchur - alaqe idarisining ijtimaiy alaqe adrésdiki yazmisigha asaslanghanda, qazaqistan pirézidénti jomert toqayéw türkiye jumhur reisi rejep tayyip erdoghan bilen téléfonda körüshkende, türkiye jumhuriyiti qurulghanliqining 100 - yilliqini tebrikligen.
ikki rehber téléfon söhbitide yene, israiliye -pelestin toqunushigha alaqidar eng yéngi özgirishlerni, türkiyening ghezzege insanperwerlik yardemliri yetküzüsh üchün körsetken tirishchanliqliri we israiliyening kishilik hoquq depsendichiliklirini muzakire qilghan.
jumhur reis erdoghan söhbette 3-noyabir (2023) qazaqistan paytexti astanada ötküzülmekchi bolghan türk döletliri teshkilati bashliqlar yighinida, israiliyening xelqara qanunlarni ayaq- asti qilishini tosush, insaniy urush toxtitish we toqunushning kéngiyip kétishining aldini élish üchün tashlinishqa tégishlik qedemlerni etrapliq muzakire qilish lazimliqini bildürgen.
erdoghan söhbette, qazaqistanning qaragandi ölkiside yüz bergen kan weqeside jénidin ayrilghanlar üchün alahide teziye bildürdi.
