ministir fidan qahirede pirézidént sisi bilen körüshti

türkiye awazi radiyosi xewiri: türkiye jumhuriyiti tashqi ishlar ministirliqi ijtimaiy taratqu supisi <X>  tiki adrésida uchur hembehrilep, ministir fidanning paytext qaahirede misir pirézidénti sisi bilen körüshkenlikini uqturdi.

ministirliq uchurgha birleshtürüp, ministir fidan bilen pirézidént sisining körüshken chaghda tartilghan süritinimu ortaqlashti.

ministir xaqan fidanning misirliq mensepdishi semih shukri bilenmu körüshüp, israiliye - pelestin toqunushi we ghezzediki insanperwerlik kirizisini muzakire qilishi kütülmekte.

türkiyening görüge élinghanlarning qoyup bérilishi we ghezzege insanperwerlik yardimi yetküzüsh tirishchanliqi dawamlishiwatqan bir peytte ötküzülidighan uchrishishta, refah chégra éghizining ehwali we rayondiki insanperwerlik krizisiningmu muhakime qilinishi pilanlanmaqta.

söhbet jeryanida yene, jumhur reis rejep tayyip erdoghan bilen misir pirézidénti abdulfettah sisining körüshüsh waqit jedwilige munasiwetlik yol xeritisiningmu muzakire qilinishi mölcherlenmekte.

ministir fidan dölet ishliri ziyaritide boluwatqan misirning paytexti qahirede gérmaniye tashqi ishlar ministiri annalina baérbok bilen körüshüp, israiliyening ghezzege qilghan hujumi, rayongha insanperwerlik yardimi yetküzüsh, ghezzedikilerni tarqaqlashturush mesilisi, shundaqla ukraina we qarabagh weziyitini muzakire qilghanidi.

u yene qahirediki türk sodigerliri bilen körüshüp, türkiyening puqralirini we ularning chet eldiki igilik tiklesh tirishchanliqlirini dawamliq qollaydighanliqini bayan qilghanidi.