دانىيە ئەلچىخانىسى مەسلىھەتچىسى تاشقى ئىشلار مىنىستىرلىقىغا چاقىرتىلدى

تۈركىيە ئاۋازى رادىيوسى خەۋىرى: دىپلوماتىك مەنبەلەرنىڭ بىلدۈرۈشىچە، تۈركىيەنىڭ كوپېنھاگېن ئەلچىخانىسى ۋە بىر قىسىم مۇسۇلمان دۆلەتلەرنىڭ ئەلچىخانىلىرىنىڭ ئالدىدا قۇرئان كەرىمنى كۆيدۈرۈش قىلمىشلىرىنىڭ داۋاملىشىۋاتقانلىقى سەۋەبىدىن، دانىيەنىڭ ئەنقەرە ئەلچىخانىسىنىڭ مەسلىھەتچىسى تۆتىنچى قېتىم تاشقى ئىشلار مىنىستىرلىقىغا چاقىرتىلغان.

دانىيە ئەنقەرە ئەلچىخانىسىنىڭ مەسلىھەتچىسى 18-ئاۋغۇست، 21-ئاۋغۇست ۋە 22-ئاۋغۇست (2023) كۈنلىرىمۇ تاشقى ئىشلار مىنىستىرلىقىغا چاقىرتىلغانىدى.