istanbul yawropadiki eng munewwer sheher boldi

türkiye awazi radiyosi xewiri: merkizi amérika qoshma ishtatlirining nyu york shehiridiki «‹Travel + Leisure› sayahet zhurnili» ning oqurmenliri «dunyadiki eng munewwer sheherler» pirogrammisining bu yilliq mukapatliri üchün bélet tashlidi. pirogramma dairiside eng alqishqa érishken awiyatsiye shirketliri, ayrodurumlar, méhmansaraylar, sayahet shirketliri we sheherler awazgha qoyuldi.

sheher mukapatliri üchün, oqurmenler «sayahet nuqtiliri, yadroluq menzirigahlar, medeniyet, yémek-ichmek, dostluq, soda - sétiq we qimmet ölchemliri» qatarliq türler boyiche bélet tashlidi.

istanbul bu tizimlikte % 90.23 awaz bilen «yawropadiki eng munewwer 15 sheher» tizimlikide birinchi bolup tallandi.

oqurmenler istanbul üchün «tallashqa tégishlik  sayahet nuqtiliri köp intayin güzel sheher», «pulisi az we köp kishilerning hemmisige mas kélidighan sheher», «üsti yépiq bazar», «sultanehmed jamesi» we «istanbul boghuzi» sayahetchiler yaxshi köridighan sayahet menzilgahliri hésablinidu, dep baha berdi.

istanbuldiki «töt pesil» méhmanxanisimu oqurmenlerning toluq bahasigha ériship, «dunyadiki eng munewwer méhmanxana» bolup tallandi.

istanbuldin kéyin, töwendiki sheherler ret tertipi boyiche tizimliktin orun aldi:

«florénsiye, rim, lisbon, porto, séwilla, lubliyana, san sébastiyan, piraga, barsélona, salzbur, édinburg, madrid, bordo, wiyénna.»