ئەردوغان ۋىلنيۇستا ھەر قايسى دۆلەت رەھبەرلىرى بىلەن ئايرىم -ئايرىم كۆرۈشتى
جۇمھۇر رەئىس رەجەپ تاييىپ ئەردوغان ئىسپانىيە، گوللاندىيە ۋە گىرېتسىيە باش مىنىستىرلىرى بىلەن ئايرىم كۆرۈشتى.
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان لىتۋانىيەنىڭ پايتەختى ۋىلنيۇستا ئۆتكۈزۈلگەن شىمالىي ئاتلانتىك ئەھدى تەشكىلاتى-ناتو دۆلەت ۋە ھۆكۈمەت باشلىقلىرى يىغىنى دائىرىسىدە، ئىسپانىيە باش مىنىستىرى پېدرو سانچېز ، گوللاندىيە باش مىنىستىرى مارك رۇتتې ۋە گىرېتسىيە باش مىنىستىرى كىرياكوس مىچوتاكىس بىلەن كۆرۈشتى.
جۇمھۇر رەئىس ئەردوغاننىڭ <LITEXPO> كۆرگەزمە ۋە يەرمەنكە مەركىزىدىكى ئۇچرىشىشى، ناتو باشلىقلار يىغىنىنىڭ ئىككىنچى كۈنىدىمۇ داۋاملاشتى.
ۋەكىللەر ئۆمىكىمۇ قاتناشقان ئۇچرىشىشلارغا، ئەردوغانغا تاشقى ئىشلار مىنىستىرى خاقان فىدان، تۈركىيە ئىستىخبارات ئىدارىسىنىڭ باشلىقى ئىبراھىم قالىن، جۇمھۇر رەئىسلىك ئۇچۇر - ئالاقە ئىدارىسى باشلىقى فاھرەتتىن ئالتۇن ۋە جۇمھۇر رەئىس ئەردوغاننىڭ باش مەسلىھەتچىسى، باش ئەلچى ئاكىف چاغاتاي قىلىچ ھەمراھ بولدى.
