xelqaraliq «istanbul bixeterlik munbiri yighini» ning teyyarliqliri tamamlandi

türkiye awazi radyosi xewiri: jumhur reislik uchur - alaqe idarisining bayanatigha asaslanghanda, yighinda siyasetchiler, akadémiklar, mutexessisler, zhurnalistlar we xelqaraliq teshkilatlarning wekilliri bolup, jemiy  70 ke yéqin yerlik we chet ellik méhmanlar léksiye sözleydu. jumhur reislik uchur - alaqe idarisi bashliqi faxrettin altun bilen tashqi ishlar ministiri mewlut chawushoghlu xelqaraliq munber yighinining échilish murasimigha qatnishidu.

ikki kün dawamlishidighan we 14 oxshimighan paaliyet ötküzülidighan munber yighini dairiside, rayon xaraktérliq we xelqaraliq bixeterlik tehditliri shundaqla hel qilish chariliri yéngiliq yaritish nuqti neziri bilen muzakire qilinidu.

bixeterlik uqumining her qaysi terepliri muzakire qilinidighan bu qétimqi munber yighini bilen xelqaraliq bixeterlikni bashqurush éngini östürüp, xelqaraliq hemkarliqni kücheytish nuqtiinezirini tereqqiy qildurush we bixeterlik xewiplirige qarshi köp tereplimilik küreshte egishishke tégishlik yollarni muzakire qilish meqset qilinmaqta.

istanbul bixeterlik munbiri yighini programmisigha dair tepsiliy uchurlarni «isf.org.tr» toridin tapalaysiz.