amérikada türkiyediki saylam üchün bélet tashlash bashlandi
türkiyede 14 – may küni ötküzülidighan jumhur reislik saylimi we 28 – nöwetlik parlamént ezaliri saylimi üchün amérika qoshma ishtatliridiki oxshimighan 9 nuqtida bélet tashlash bashlandi.
türkiye awazi radiyosi xewiri: igilinishiche, saylighuchilar 29-apréldin 7-mayghiche türkiyening washingiton elchixanisida, shundaqla nyu york, boston, chikago, los anzhélés, miami we xyuston konsulxanilirida etigen saet 09:00 din chüshtin kéyin saet 21:00 giche bélet tashliyalaydiken.
nyu york bash konsulxanisining wezipe ijra qilish rayonida türköyidin sirt yene, niyu jérsiy we long arilida 29 – apréldin 1 – mayghiche etigen saet 09:00 din chüshtin kéyin saet 18:00 giche bolghan ariliqta awaz bérish üchün qoshumche bélet tashlash ponkitliri qurulidiken.
jumhur reislik saylimi ikkinchi basquchqa qalghan teqdirde, saylighuchilar 28 – may yekshenbe küni ötküzülidighan ikkinchi basquchluq saylam üchün aldin békitilgen wakaletxanilarda 20 – maydin 24 – mayghiche bolghan ariliqta bélet tashliyalaydiken.
amérika qoshma ishtatliri miqyasida 134 ming 246 saylighuchi bar iken.
