sudandin tarqaqlashturulghan tunji türküm türkler türkiyege yétip keldi
sudan armiyesi bilen téz yardem bérish qisimlirining 15- apréldin buyan dawamlishiwatqan toqunushliri sewebidin tarqaqlashturulghan 189 kishi türkiyege qaytip keldi.
türkiye awazi radiyosi xewiri: 189 kishini élip éfiyopiye paytexti eddis ebébedin tünügün (25-aprél) chüshtin kéyin yolgha chiqqan türkiye hawa yolliri shirkitining ayropilani kéche saet 1 din 10 minut ötkende istanbul ayrodurumigha qondi.
tarqaqlashturulghan puqralardin naji aqgün özlirining sudandin tarqaqlashturulushigha yardem bergen dölet emeldarlirigha minnetdarliq bildürüp: «sharait nachar idi. barliq döletler birla waqitta puqralirini tarqaqlashturmaqchi bolghanidi. allah dölitimizdin razi bolsun, qolidin kélidighan ishlarni qildi. biz türkiyege qaytip kelgen tunji türküm kishilermiz. intayin xushalmiz. türkiye, sudan we éfiyopiyediki türkiye elchixanilirigha köplep rehmet éytimiz» dédi.
sudanda toqunushlarning dawam qiliwatqanliqini bildürgen aqgun: «kocha urushliri dawamlishiwatidu. allah sudanliqlargha yardem qilsun. sudanliq qérindashlirimiz yaxshi kishiler. sudan güzel dölet. inshaallah weziyet ongshilar, biz qaytarmiz» dégenlerni qeyt qildi.
