erdoghan istanbul qatarliq yer tewresh xewpi yuqiri jaylardiki qurulushlar heqqide toxtaldi
jumhur reis rejep tayyip erdoghan istanbulni öz ichige alghan yer tewresh xewpi yuqiri jaylardiki sheher qurulushini yéngilash xizmetlirining süritini tézlitidighanliqlirini bildürdi.
türkiye awazi radiyosi xewiri: jumhur reis erdoghan istanbul ghazi osmanpasha meydanidiki sheher qurulushlirini yéngilash türliri achquch tapshurush we yéngi turalghulargha ul sélish murasimida söz qildi.
hazirghiche 3 milyon 300 ming öyni sheher qurulushlirini yéngilash – özgertish türi dairiside rémont qilghanliqlirini, toki (ammiwi turalghu bashqurush idarisi) teripidin 1 milyon 200 ming öy sélinghanliqini tilgha élip: «istanbulni öz ichige alghan yer tewresh xewpi yuqiri jaylardiki sheher qurulushini yéngilash xizmetlirining süritini tézlitimiz» dédi.
hökümetning sheher qurulushlirini özgertish – rémont qilish dairisde memliket miqyasida seperwerlik bashlighanliqini ipadilep: «nopus zichliqi we istratégiyelik ehmiyiti sewebidin istanbul bu seperwerlikte birinchi orunda turidu» dédi.
erdoghan héytning ikkinchi küni yer tewresh rayonidiki pütken kent öylirini heqdarlargha tapshurup bérish arqiliq ikki bayramni birlikte tebrikleydighanliqlirini éytti.
u yene bu yilning axirighiche pul paxalliqi mesilisining kontrol qilinidighanliqini, kéler yili uning pütünley hel qilinidighanliqini tekitlidi.
