erdoghan: 650 ming turalghuni heqdarlargha tapshurup bérip bolghuche rayondin qetiy ayrilmaymiz
jumhur reis rejep tayyip erdoghan 6 - féwral qahramanmarashni merkez qilghan yer tewreshlerning tesirige uchrighan wilayetler heqqide toxtaldi.
türkiye awazi radiyosi xewiri: erdoghan tünügün istanbulda qilghan sözide, özlirining yer tewresh öylirining ul sélish murasimlirini ötküzgenliklirini tilgha élip: «tünügün shanliurfa bilen birlikte 100 mingdin artuq yer tewresh turalghusi we yéza öylirining qurulush jeryanini bashliduq. inshaallah birinchi yili 319 ming bolup jemiy 650 ming turalghuni heqdarlargha tapshurup bérip bolghuche rayondin qetiy ayrilmaymiz» dégenlerni qeyt qildi.
erdoghan xarabiliklerni tazilash xizmetlirining asta – asta axirlishiwatqanliqigha isharet qilip: «xataydin bashqa wilayetlirimizdiki barliq xarabiliklerni héytqiche tazilap bolushni pilanlawatimiz» dédi.
uningdin kéyin, jumhur reis erdoghan istanbulning üsküdar rayonida yashlar bilen körüshüp söhbetleshti.
