erdoghan hamasning térrorluq teshkilati emes, qarshiliq körsitish teshkilati ikenlikini tekitlidi

türkiye awazi radiyosi xewiri: jumhur reis erdoghan bilen tünügün paytext enqerede dölet ishliri ziyaritide bolghan girétsiye bash ministiri kiryakos michotakis qoshma muxbirlarni kütüwélish yighini ötküzdi.

michotakisning muxbirlarni kütüwélish yighinidiki: «türkiye bilen (bizning otturimizda) ottura sherq mesiliside pikir perqi bar. biz israiliyening ghezze rayonigha kirishi we biz térrorluq teshkilati dep qaraydighan hamasqa türkiyening bashqiche éniqlima béridighanliqini bilimiz» dégen sözliridin kéyin, jumhur reis erdoghan söz bashlap: «men hamasni térrorluq teshkilati dep qarimaymen. hamas 1947-yilidin buyan ishghal qiliwélinghan zéminlirini qoghdawatqan bir qarshiliq körsitish teshkilati. bu, epsuski, israiliyening 45 minggha yéqin ademning ölümini keltürüp chiqarghan wehshiylerche (hujumlirigha) qarshi küresh qiliwatqan bir teshkilat hésablinidu. biz buni körüp yétishimiz kérek. hamasni térrorluq teshkilati dések, rehimsizlik qilghan bolimiz. men hamasni térrorluq teshkilati dep qarimaymen... bu yerde uni térrorluq teshkilati désingiz, men epsuslinimiz. dölitimde mingdin artuq hamas ezasi dawaliniwatidu. gherb bulargha her xil qorallar bilen hujum qiliwatidu, ehwal shundaq iken, zéminliridin qoghlap chiqirilghan hamasni <térrorluq teshkilati> désingiz, méning könglüm yérim bolidu» dégenlerni qeyt qildi.