erdoghan nato bash katipini qobul qildi

türkiye awazi radiyosi xewiri: shimaliy atlantik ehdi teshkilati bash katipi stolténbérg 6 – féwral küni qahramanmarashni merkez qilip yüz bergen we «100 yildin buyanqi ong chong balayiapet» dep atalghan türkiyening 11 wilayitige éghir talapet yetküzgen 7.7, 7.6 balliq yer tewresh apitidin kéyin, türkiyege dawamliq yar – yölek bolidighanliqlirini izhar qilish üchün paytext enqerege keldi.

jumhur reis rejep tayyip erdoghan shimaliy atlantik ehdi teshkilati bash katipi stolténbérgni paytext enqerediki jumhur reislik mehkimiside qobul qildi.

axbarat wasitilirigha yépiq halette emelge ashurulghan uchrishishta, stolténbérg yer tewresh apiti munasiwiti bilen, jumhur reis erdoghan we türkiye xelqige teziye bildürdi.

türkiye tashqi ishlar ministiri mewlüt chawushoghlumu shimaliy atlantik ehdi teshkilati bash katipi stolténbérg bilen körüshti.

u shimaliy atlantik ehdi teshkilatigha eza döletlerning türkiyediki yer tewresh apitide talapetke uchrighanlar üchün hatay we iskenderunda 3 ming kishilik kontéynéröy quridighanliqini qeyt qilghanidi.