«türkiye yégane qelb» seperwerlik paaliyiti ötküzüldi
qahramanmarash merkezlik yer tewresh apitidin kéyin, türkiye radiyo – téléwiziye bash idarisi (TRT) qatarliq sekkiz téléwiziye qanilining ortaq neq meydan pirogrammisi arqiliq «türkiye yégane qelb» seperwerlik paaliyiti ötküzüldi.
türkiye awazi radiyosi xewiri: «türkiye yégane qelb» seperwerlik paaliyiti dairiside iane qilinghan 115 milyard 1 milyon türkiye lirasi, jiddiy ehwallargha taqabil turush qomandanliq merkizi bilen türkiye qizilay jemiyitige iane qilinidu.
dölitimiz (türkiye jumhuriyiti) jumhur reisi rejep tayyip erdoghan, tor, yerlik, rayonluq, döletlik we xelqaraliq texminen 200 téléwiziye qanili we 500 radiyo istansisi ishtirak qilghan, shimaliy qibris türk jumhuriyiti we ezerbeyjandimu neq meydandin ulap tarqitilghan pirogrammigha téléfon arqiliq ulinip, mundaq dédi:
«dölet ichi-sirtidin jiddiy ehwallargha taqabil turush qomandanliq merkizining banka hésabatlirigha yatquzulghan her bir sinit, yer tewresh apitide talapetke uchrighanlar üchün ishlitilinidu.»
6 – féwral (2023) yüz bergen 7.7 we 7.6 balliq yer tewresh apiti, türkiyening 11 wilayiti bilen süriyede éghir talapetlerni yetküzüp, minglarche kishining jénigha zamin bolghanidi.
