mustapa warank: tog (Togg) oxshimighan sahelerde dunyagha bashlamchi bolidu

türkiye awazi radiyosi xewiri: mustapa warank istémal éléktron yermenkisi <CES 2023> ge qatnishish üchün amérikagha yétip bardi we uchrishishliri dairiside  tog (Togg) ning körgezme munbirini ziyaret qildi.

ministir warank, «türkiye aptomobil sanaitide intayin küchlük bir dölet, 30 milyard dollardin artuq éksportni ishqa ashuriwatqan bir dölet. özgiriwatqan we qaytidin tüzüliwatqan sanaette biz toggha oxshash leyiheler bilen kelgüsini teyyarlighan bolimiz. türkiyening aptomobil layihesimu dunyada bashlamchi eserlerning biri bolidu» dédi.

togqa nurghun döletlerdin telep barliqini bayan qilghan mustapa warank:  «ottura asiyadin ottura sherqqiche, yawropadin afriqighiche bizge iltimas qilghanlar bar. <bu aptomobilni qandaq sétiwalalaymiz? biz bu aptomobilning wakaleten satquchisi bolushni xalaymiz> dégen iltimaslarni tapshurup almaqtimiz. bu sétilidighan modélliri we qollinishchan programmiliri bilenmu ülge bolidighan bir layihe» dédi.

mustapa warank togning aldin zakaslirining féwralda bashlinidighanliqini bildürüp, «féwralning kéyinki yérimida aldin zakaz qilish bashlinidu, martning axirigha qeder biz aptomobilni türkiyening yollirida körüshke bashlaymiz» dédi.