mewlut chawushoghlu rusiyening suyiqestke uchrighan bash elchisini xatirlidi
tashqi ishlar ministiri mewlut chawushoghlu rusiyening enqerede turushluq bash elchisi andréy karlowning öltürülgenlikining 6 - yilliqi munasiwiti bilen bayanat berdi.
türkiye awazi radiyosi xewiri: tashqi ishlar ministiri mewlut chawushoghlu rusiyening enqerede turushluq bash elchisi andréy karlowning öltürülgenlikining 6 - yilliqi munasiwiti bilen qilghan sözide, «ikki dölet rehberlirining parasiti we organlirimizning xizmetliri bu qiltaqni bitchit qildi. weqeni sadir qilghuchilarmu sotta hésabqa tartilip, tégishlik jazagha höküm qilindi» dédi.
chawushoghlu rusiye axbarat orgini <sputnik> bilen ötküzgen söhbitide, karlowning türkiye-rusiye munasiwiti üchün muhim xizmetlerni qilghan tejribilik diplomat süpitide türk xelqining muhebbitige sazawer bolghanliqini éytti.
chawushoghlu karlowning türkiye-rusiye dostluqigha qoshqan töhpisi menggü este tutilidighanliqini tekitlep, «bu weqege 6 yil boldi. bu hujumning karlow ependige suyiqest qilish arqiliq türkiye-rusiye dostluqini hujum nishani qilghanliqi hemmige ayan bir heqiqettur. ikki dölet rehberlirining perasiti we organlirimizning xizmetliri bu qiltaqni bitchit qildi. weqeni sadir qilghuchilarmu sotta jawabkarliqqa tartilip, tégishlik jazagha höküm qilindi» dédi.
chawushoghlu karlowning eng muhim ghayiliridin birining türkiye-rusiye munasiwitini tereqqiy qildurush ikenlikini eskertip, «bizmu hemkarliq we dialogni dawamliq tereqqiy qildurimiz. xelqlirimizning we ortaq menpeetni asas qilghan tirishchanliqlirimizni dawamlashturimiz. men bu munasiwet bilen bash elchining qayghu-hesretke tolghan aile-tawabiatlirigha shundaqla rusiye xelqi we dölitige teziye bildürimen. bash elchi karlowni hörmet bilen esleymen. xatirjemlik ichde yatqay» dédi.
karlow 2016 - yili 19 – dékabirda rusiyening enqerediki bash elchixanisi we chankaya sheherlik hökümetning hemkarliqida orunlashturulghan «kalingradtin kamchatkaghiche bolghan rusiye» témiliq resim körgezmisining échilish nutqini sözlewatqanda, fethullahchi térorluq teshkilati ezasi mewlüt mert altintash isimliq bir saqchining qoralliq hujumda hayatidin ayrilghan idi.
