erdoghan girétsiye toghrisida élan qilghan bayanati üstide toxtaldi

türkiye awazi radiyosi xewiri: jumhur reis rejep tayyip erdoghan balqan rayonidiki üch döletke qilghan ziyaritini axirlashturup döletke qaytish sepiride, ayropilanda muxbirlarning soallirigha jawab berdi.

u ilgiri girétsiye toghrisida éytqan «bir kéche tuyuqsiz basturup barimiz» dégen sözi toghrisidiki soalgha: «bildürmekchi bolghan mene nahayiti éniq. girétsiyening yéqinqi künlerdiki türkiyege qarshi pozitsiyesini chüshengili bolmaydu. bir terepte ege déngizida qilghan xilapliq qilmishliri bar, bezide natoda wezipe ötewatqan ayropilanlirimizgha parakendichilik saldi, hetta <S-300> bashqurulidighan bombilar radarni quluplashqa oxshash heriketlerni qildi. bizning <S-400> lirimizge munasiwetlik gep qilghanlarning mushu chaghqiche girétsiyening <S-300> liri toghrisida bir nerse dégenlikini anglidinglarmu? <S-300> yaki <S-400> bolsun hemmisi rusiyede yasalghan. emma, uninggha héchqandaq gep yoq. burnimizning uchidiki arallargha kélishim arqiliq keltürülgen gheyriy resmiy salahiyettiki herbiy küch bilen qorallandurushqa tirishiwatidu» dédi.

u amérikaning girétsiyede herbiy baza qurghanliqi üstidimu toxtilip, b d t omumiy kéngishi yighini (26-26-séntebir) gha barghinida, pirézidént baydin bilen körüshüp, bu mesililerni söhbetlishidighanliqini bildürdi.

u girétsiyening ege we sherqiy aqdéngiz mesiliside türkiyege zorlap tangmaqchi bolghan tizislirining barliqini eskertip: «buning qarap turidighan teripi yoq. türkiye bilen biwaste söhbetlishishning ornigha, b d t da, amérikada, yawropa ittipaqida, hetta biz eng küchlük bolghan natoda üstimizdin shikayet qilip, tehdit peyda qilishqa tirishiwatidu. buni qobul qilishimiz mumkin emes. ular qandaq gepni chüshense, shundaq gepni qilimiz. ularni chüshinidu dep oylaymen» dédi.