fidan: yawropa ittipaqi bilen wizini qolaylashturush söhbetlirini dawamlashturuwatimiz

türkiye awazi radiyosi xewiri: ministir xaqan fidan yawropa ittipaqining paytext enqerede resmiy ziyarette bolghan qoshnidarchiliq we kéngiyish ishlirigha mesul komissari oliwér warxéli bilen qoshma muxbirlarni kütüwélish yighini ötküzdi.

türkiye-yawropa ittipaqi munasiwitini bir qatar közdin kechürgenliklirini tekitligen fidan: «biz warxéli bilen türkiyening kandidat dölet salahiyiti we kéngiyishke munasiwetlik mesililerni muzakire qilduq. buni konkrét pilanlash arqiliq tamozhna ittipaqini yéngilash kérek. bu heqte pirinsip jehettin kélishtuq» dédi.

ministir fidan sözini dawamlashturup: «yawropa ittipaqi bilen türkiye otturisidiki wiza erkinleshtürüshke alaqidar kemtük mesililerni tügitish yolidiki xizmetlirimizni dawamlashturuwatimiz. meqsitimiz yawropa ittipaqi bilen wizini erkinleshtürüsh söhbitini toluq menide bashlash» dégenlerni qeyt qildi.

yéqindin buyan yawropa ittipaqi döletlirige wiza élish mesiliside éghir tosalghularning peyda bolushqa bashlighanliqini otturigha qoyghan fidan: «biz yawropadiki xizmetdashlirimiz bu heqte uzundin buyan söhbetlishiwatimiz. wizini qolaylashturush, bolupmu soda-sanaetchiler bilen oqughuchilargha wizini qolaylashturush toghrisida hem yawropa ittipaqi bilen biwasite söhbetlishiwatimiz  hemde yawropa ittipaqi organliri bilen bu mesilini muzakire qiliwatimiz» dégenlerni sözlirige ilawe qildi.