erdoghan sérbiyeni «balqanning achquchluq döliti» dédi

türkiye awazi radiyosi xewiri: rejep tayyip erdoghan bilen wujij ayrim körüshüshtin ilgiri bayanat élan qilip, ikki terep munasiwetliri we özara hemkarliqlarni tekitlidi.

rejep tayyip erdoghan sérbiyede aprél éyida (2022) ötküzülgen saylamning sérbiye dölitige xeyrilik bolushini tilidi.

u ikki dölet otturisidiki soda omumiy hejimining her küni dégüdek éshiwatqanliqini bildürüp: «biz meyli siyasiy, herbiy, iqtisadiy yaki medeniyet bolsun, her sahede hemkarlishiwatimiz. sérbiye balqan rayonining achquchi. shunga, munasiwetlirimiz her küni dégüdek küchiyiwatidu. hazirgha qeder soda omumiy sommimiz 2 milyard dollargha yetti, buni téximu ashurimiz» dédi.

sérbiye pirézidénti wujij öz döliti bilen türkiye otturisidiki munasiwetlirining yaxshi we yuqiri sewiyede ikenlikini, özara soda miqdarining üzlüksiz éshiwatqanliqini éytti.

u türkiyening sérbiyege meblegh sélishning üzlüksiz éshiwatqanliqini eskertip, rayondiki döletler bilen yaxshi munasiwet ornatqanliqini eskertti.

ikki rehberning körüshüshi axbaratqa yépiq shekilde ötküzüldi. heyetler ara ötküzülgen körüshüshtin kéyin, oxshimighan saheler boyiche hemkarliq ornitish kélishimirige imza qoyush murasimi ötküzüldi. arqidin erdoghan bilen wujij axbarat élan qilish yighini ötküzdi.

sérbiye pirézidénti wujij rejep tayyip erdoghanning sheripige tamaq ziyapiti béridu.

rejep tayyip erdoghan bélgrad munari we sheherdiki tarixiy jaylarni ziyaret qilghandin kéyin, bügün (6-séntebir) kech saetlerde kirodiyege qarap yürüp kétidu.