«penje – qulup» herbiy herikiti rayonida 3 térrorchi bir terep qilindi

türkiye awazi radiyosi xewiri: türkiye jumhuriyiti dölet mudapie ministirliqining bildürüshiche, iraqning shimalida muweppeqiyetlik halda dawamlishiwatqan «penje – qulup» herbiy herikiti rayonida, bölgünchi térrorluq teshkilati p k k mensubi 3 térrorchi bir terep qilinghan.

dölet mudapie ministirliqi teripidin élan qilinghan yene bir bayanatta, mundaq déyildi: «qehriman qisimlirimiz, iraqning shimalidiki térrorchilarning uwilirini yer bilen yeksan qilishni dawamlashturmaqta. bu dairide, gara rayonida éniqlap chiqilghan bölgünchi térrorluq teshkilati p k k mensubi 2 térrorchi bir terep qilindi. térrorluq nishanlirigha qaqshatquch zerbe bérishni izchil dawamlashturuwatimiz.»

ichki ishlar muawin ministiri, qoshumche ministirliq bayanatchisi ismail chataqli, axbarat élan qilish yighinida, iyul éyida dölet bixeterlikini qoghdash herbiy heriketliri dawamida, jemiy 68 térrorchining bir terep qilinghanliqini, 65 panah jay we gharning yer bilen yeksan qiliwétilgenlikini bildürdi.

türkiye jumhuriyiti ichki ishlar ministirliqi teripidin élan qilinghan bayanattimu, bölgünchi térrorluq teshkilati p k k mensubi 2 térrorchining, qayil qilish xizmetliri netijiside dölet xewpsizlik küchlirige teslim bolghanliqi bildürüldi.

ishliniwatqan qayil qilish xizmetliri netijiside, bölgünchi térrorluq teshkilati p k k din qéchip, dölet xewpsizlik küchlirige teslim bolghan bu ikki térrorchining, 1999 – we 2012 – yilliri térrorluq teshkilatining sépige qtilghanliqi we iraqta paaliyet élip barghanliqi éniqlap chiqildi.

shuning bilen, bu yil kirgendin buyan qayil qilish xizmetliri netijiside dölet xewpsizlik küchlirige teslim bolghan térrorchilarning sani 65 ke yetti.