چاۋۇشئوغلۇ ئاشلىق بېسىلغان پاراخوتنىڭ يولغا چىققانلىقى بىلدۈردى

تۈركىيە ئاۋازى رادىيوسى خەۋىرى: تاشقى ئىشلار مىنىستىرى مەۋلۈت چاۋۇشئوغلۇ تۋىتېتر ئادرېسىدا، ئاشلىق بېسىلغان پاراخوتنىڭ يولغا چىققانلىقى توغرىسىدا ئۇچۇر ھەمبەھىرلىدى.

ئۇ: «ئۇكرائىنا ئاشلىقىنى قارادېڭىز ئارقىلىق بىخەتەر ھالدا يۆتكەش رامكىسىدا، بىرىنچى پاراخوت ئۇكرائىنادىن يولغا چىقتى. مۇساپىنىڭ ئىزچىل داۋاملىشىشىنى ئارزۇ قىلىمىز. بۇنىڭدا ئۈستىمىزگە چۈشكەن ۋەزىپىمىزنى ئادا قىلىشنى داۋاملاشتۇرىمىز. كېلىشىمنىڭ ئۇرۇش توختىتىش ۋە ئۇزۇن مۇددەتلىك تىنچلىققا ۋەسىلە بولۇشىنى ئۈمىد قىلىمىز» دېدى.