mehsulatlargha «Made in Türkiye» ibarisining yézilishi toghrisida höjjet chüshürüldi

türkiye awazi radiyosi xewiri: jumhur reis rejep tayyip erdoghan imzaliq uqturush höjjitide, türkiye jumhuriyiti dölitining nechche ming yilliq dölet enenisige asasen, qedim türk millitige yarishidighan shekilde süpetlik we qimmetlik xizmetlerni royapqa chiqarghanliqi, xelqning uni medeniyet we qimmet qarishini qoghdashni we téximu yuqiri pellige kötürüshni asasliq wezipilirining biri süpitide qobul qilghanliqi bayan qilindi.

bu tonushni yaqlighan halda dölet ichi - sirtida élip bérilghan xizmetlerde türk millitining uzun tarixidin kelgen qimmet  qarashlirigha alahide ehmiyet bérilgenliki otturigha qoyulghan höjjette, «türkiye» markisining türkiyening dölet ichi we xelqara sehnidiki eng yüksek markisi dep qobul qilinghanliqi tekitlendi.

höjjette: «türkiye ibarisi türk millitining kültüri, medeniyiti we qimmet qarishigha eng yaxshi shekilde wekillik qilmaqta we uni eng yaxshi yaxshi shekilde ipadilimekte. bu dairide, éksport mehsulatlirimizda  < Made in Turkey > ibarisining ornigha <Made in Türkiye > dégen ibarisini ishlitishni bashlap, dölitimizning xelqara sodida iptixari boluwatqan mehsulatlirimiz  <Türkiye> ibarisi bilen tonutuldi we pütkül dunya bilen uchrashturuldi. buningdin kéyinmu barliq sahelerde dölitimiz we xelqimizning nechche ming yilliq birikmisining <Türkiye> markisi astida wekillik qilishi nishan qilinmaqta.

<Türkiye> markisini kücheytish dairiside, bashta bashqa dölet, xelqaraliq idare – organlar bilen ornitilidighan resmiy munasiwetler bolup, her xil paaliyet we xet – cheklerde <Turkey>, <Turkei>, <Turquie> qatarliq ibarilerning ornigha <Türkiye> ibarisining yézilishigha alahide sezgürlük bilen qarilidu» dégen ibarilerge orun bérildi.