ئەردوغان خەلقئارا دېموكراتلار بىرلىكى رەھبەرلىرىگە خىتاب قىلدى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان، ۋىدېئو كونفېرانس ۋاسىتىسى ئارقىلىق گوللاندىيەنىڭ لاھېي شەھىرىدىكى ئەلچىخانا بىناسىدا بىر يەرگە جەم بولغان خەلقئارا دېموكراتلار بىرلىكى رەھبەرلىرىگە قىلغان خىتابىدا، بىرلىك ۋە باراۋەرلىك ئىچىدە ئېلىپ بېرىلىۋاتقان پائالىيەتلەرنىڭ نەتىجىسىنىڭ ھەم ئۈنۈملۈك ھەم ئىنتايىن خەيىرلىك بولىدىغانلىقىنى تەكىتلەپ مۇنداق دېدى: «شۇ ۋەجىدىن، سىلەرنى تەبرىكلەيمەن، دۆلىتىمىزدىن نەچچە مىڭ كىلومېتىر يىراقلىقتا مۇشۇنداق مۇھىم بىر يىغىلىشنى ئۆتكۈزگەنلىكىڭلار ئۈچۈن، ئۆزۈمگە، مىللىتىمگە، پارتىيەم (ئادالەت ۋە تەرەققىيات پارتىيەسى) گە ۋاكالىتەن رەھمەت ئېيتىمەن، شۇنداقلا، ھەردائىم مۇۋەپپەقىيەت قازىنىشىڭلارغا تىلەكداشمەن.»