türkiye radiyo-téléwiziye idarisi t r t ning yéngi bash mudiri mueyyenleshti
türkiye radiyo-téléwiziye idarisi t r t ning bash mudirliqigha proféssor doktor mehmet zahid sobaji we t r t ijraiye kéngishi bashliqliqi wezipisige proféssor doktor ehmet albayraq teyinlendi.
türkiye awazi radiyosi xewiri: ibrahim eren töt yilliq wezipe ötesh mudditi toshqanliqi sewebidin t r t ijraiye kéngishi bashliqliqi wezipisi we t r t bash mudirliqi wezipidin ayrildi.
uningdin boshalghan mudirliq we ijraiye kéngishi bashliqliq wezipilirige yéngi kishiler teyinlendi.
jumhur reis rejep tayyip erdoghanning imzasi bilen resmiy gézitning köpeytilgen sanida élan qilinghan qarargha asasen proféssor doktor mehmet zahid sobaji t r t ning bash mudirliqigha we proféssor doktor ehmet albayraq t r t ijraiye kéngishi bashliqliqi wezipisige teyinlendi.
ibrahim eren 2013-yili t r t ning muawin bash mudiri bolghan we 2017-yili 7-ayda t r t ning bash mudiri shundaqla ijraiye kéngishi bashliqliqi wezipisige teyinlengen idi.
ibrahim eren 4 yil muawin bash mudir we yene 4 yil bash mudir shundaqla ijraiye kéngishi bashliqi bolup, t r t da jemiy 8 yil wezipe ötigen idi.