چاناققەلئەدە نۇرغۇن چەت ئەللىك كۆچمەن قۇتقۇزۇۋېلىندى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دېڭىز قىرغىقى مۇداپىئەسى قوماندانلىقى خادىملىرى، ئايۋاجىك ناھىيەسى دېڭىز تەۋەلىكىدىكى بىر كېمىدە بىر تۈركۈم چەت ئەللىكلەرنىڭ بارلىقى توغرىسىدا ئۇچۇر تاپشۇرۇپ ئېلىپ، دەرھال ھەرىكەتكە ئۆتتى.

كېمە بىلەن نەق مەيدانغا يېتىپ بارغان قۇتقۇزۇش ئەترىتى، گىرېتسىيە دېڭىز قىرغىقى مۇداپىئەسى خادىملىرى تەرىپىدىن تۈركىيە دېڭىز تەۋەلىكىگە قايتىشقا مەجبۇرلانغانلىقى ئېنىقلانغان  18 كۆچمەننى قۇتقۇزۇپ قۇرۇقلۇققا ئېلىپ چىقتى.

مەزكۇر كىشىلەر قانۇنىي رەسمىيەتلەردىن كېيىن ئايۋاجىك چەت ئەللىكلەرنى قايتۇرۇپ بېرىش مەركىزىگە ئۆتكۈزۈپ بېرىلدى.