قالىن تۈرەجى بىلەن شاھىننى تەبرىكلىدى
جۇمھۇر رەئىسلىك مەھكىمىسى باياناتچىسى ئىبراھىم قالىن گېرمانىيەنىڭ ئەڭ ئالىي دۆلەت مېدالى بولغان «يۇلتۇزلۇق شەرەپ مېدالى» غا لايىق كۆرۈلگەن تۈرك ئالىملار ئۆزلەم تۈرەجى بىلەن ئۇغۇر شاھىننى تەبرىكلىدى.
1604952
تۈركىيە ئاۋازى رادىيوسى خەۋىرى: قالىن، ئاممىۋى ئورتاقلىشىش تور بېتى Twitter سەھىپىسىدە، بۇ ھەقتە ئېلان قىلغان باياناتىدا، مۇنداق دېدى: «گېرمانىيە تەرىپىدىن <يۇلتۇزلۇق شەرەپ مېدالى> تەقدىم قىلىنغان تۈرك ئالىملار ئۆزلەم تۈرەجى بىلەن ئۇغۇر شاھىننى، ‹كوۋىد – 19› يۇقۇمىغا قارشى يەر شارى خاراكتېرلىك كۈرەشتە مۇھىم رول ئويناپ، پۈتكۈل ئىنسانىيەتكە ئۈمىد چىرىغى ياندۇرغانلىقلىرى ئۈچۈن تەبرىكلەيمەن.»
