تۈركىيە ئىسپارتادا سومالى ئەسكەرلىرىنى تەربىيەلىمەكتە

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى، تۈركىيە بىلەن سومالى ئوتتۇرىسىدىكى ھەربىي تەلىم – تەربىيە ۋە ھەمكارلىق كېلىشىمىنىڭ روھىغا ئاساسەن، مېھمان سۈپىتىدە كەلگەن 150 ھەربىي خادىمغا «كوماندىر جەڭچىلەر ئاساسىي مەشىقى» قىلدۇرۇلغانلىقىنى ئۇقتۇردى.

دۆلەت مۇداپىئە مىنىستىرلىقى بايانات ئېلان قىلىپ، سومالى ئارمىيەسىدىن 150 ئەسكەرنى تەربىيەلەش خىزمەتلىرىنىڭ ئىسپارتادىكى تېررورىزمغا قارشى كۈرەش قىلىش تەربىيەلەش – تەتبىقلاش مەركىزىي قوماندانلىقىدا داۋاملىشىۋاتقانلىقىنى بىلدۈردى.

باياناتتا: «2020 – يىلى 21 – دېكابىردا باشلانغان تەلىم – تەربىيە پىلانلانغىنى بويىچە داۋاملاشماقتا» دېگەن ئىبارىلەرگە ئورۇن بېرىلدى.