türkiye: ezerbeyjan erméniyege axirqi qétim chékinish pursiti berdi

türkiye awazi radiyosi xewiri: dölitimiz (türkiye) tashqi ishlar ministirliqi teripidin bu heqte élan qilinghan bayanatta, ezerbeyjan bilen erméniye otturisida aldinqi sep liniyeside urush toxtitish élan qilinghanliqi eskertilip mundaq déyildi: «2020 – yili 27 – öktebir küni bashlanghan qoralliq toqunushlarda ezerbeyjan, texminen 30 yildin buyan ishghal astida turuwatqan zéminlirini öz küchi we ishenchisige tayinip qayturuwalaydighanliqini erméniye hem pütkül jahangha namayen qildi. bu basquchta, pütkül dunyadin insanperwerlik sewebidin urush toxtitish telepliri keldi. ezerbeyjanmu axirqi qétim erméniyege ishghal astidiki ezerbeyjan zéminliridin chékinishi üchün purset berdi.

insanperwerlik meqsitide esir we méyit almashturush üchün hasil qilinghan urush toxtitish kélishimi, kirizisni hel qilish yolida tashlanghan muhim bir qedem bolush bilen bir waqitta, bu kélishim, üzül - késil hel qilish charisining ornini basalmaydu. türkiye bashtin tartipla peqet ezerbeyjan qobul qilghan qararlarnila qollaydighanliqini tekitlep kelmekte. enqere bu angni chiqish nuqta qilip, urush meydanidimu, söhbet üstilidimu janjiger qérindash dölet ezerbeyjanning yénidin orun élishni dawamlashturidu.»