تېررورىستلار تىزىملىكىدە ئىككى ئىسىم ئازايدى

تۈركىيە ئاۋازى رادىيوسى خەۋىرى: ئىچكى ئىشلار مىنىستىرلىقى تۇتۇش بۇيرۇقى چىقىرىلغان تېررورىستلار تىزىملىكىدىن ئىككى تېررورىستنىڭ ئازايغانلىقى توغرىسىدا بايانات ئېلان قىلدى.

باياناتتا، تۇنجەلى-ئوۋاجىك ئەتراپىدا، 2020-يىلى 2-ئۆكتەبىر  ۋىلايەتلىك قوراللىق ساقچى قىسىم قوماندانلىقى تەرىپىدىن «4-چاقماق» ھەرىكىتىنىڭ ئېلىپ بېرىلغانلىقى ۋە ئىككى تېررورىستنىڭ قوراللىرى بىلەن بىر تەرەپ قىلىنغانلىقى قەيت قىلىندى.

بىر تەرەپ قىلىنغان تېرروىستلاردىن بىرىنىڭ، قىزىل رەڭلىك تۇتۇش بۇيرۇقى چىقىرىلغان ت ك پ|م ل تىككو (TKP/ML TİKKO) نىڭ تۇنجەلى مەسئۇلى «ئۆزگۈر» كودلۇق ئەلى كەمال يىلماز ئىكەنلىكى بىلدۈرۈلدى. مەزكۇر تېررورىستنىڭ 2007-يىلى تېررورلۇق تەشكىلاتىغا ئەزا بولغانلىقى، قالايمىقانچىلىق چىقىرىش، مېنا ۋە پارتلاتقۇچ ياساشتا مۇتەخەسسىس ئىكەنلىكى قەيت قىلىندى.

بىر تەرەپ قىلىنغان يەنە بىر تېرروىستنىڭ، قىزغۇچ رەڭلىك تۇتۇش بۇيرۇقى چىقىرىلغان ت ك پ|م ل تىككونىڭ ئاياللارغا مەسئۇل «ئاسىم» كودلۇق گۆكچە كۇربان ئىكەنلىكى بىلدۈرۈلدى.