türkiyedin barghan qutquzush etriti béyrut portidiki xizmetlirini dawamlashturmaqta
liwanning paytexti béyrutta 4 - awghustta yüz bergen partlashtin kéyin, türkiyedin barghan qutquzush etretlirining béyrut portidiki xizmetliri dawamlashmaqta.
türkiye awazi radiyosi xewiri: liwan quruqluq armiyesi heriket bashqarmisi qomandani jan nehra muxbirlarni kütüwélish yighinida, türkiyedin kelgen qutquzush etritining béyrut portidiki partlash yüz bergen jaygha eng yéqin yerde qutquzush paaliyetlirini dawamlashturiwatqanliqini bildürdi.
nehra xelq mudapie etritining qatnishishi bilen yoqap ketkenlerni izdesh xizmetlirining hazirmu dawamlishiwatqanliqini uqturdi.
jan nehra portning jenubidiki bughday akuplirining köp qismining partlash sewebidin yiqilghanliqini tekitlep, «eger bu rayonda akuplar bolmighan bolsa idi, partlashning béyrutqa bolghan tesiri téximu chong we qorqunchluq bolatti» dédi.
béyrut portida 4 – awghustta partilatquch madde saqliniwatqan 12 - nomurluq iskilatta ot apiti yüz bérip, arqidin intayin küchlük partilash yüz bergen we pütün béyrutni zilzilige salghan idi. partlashta qaza qilghanlarning sani 158 ge yétip, yarilanghanlarning sani 6 mingdin éship ketken idi.
