تۈركىيەنىڭ سومالىغا يوللىغان ئىككىنچى قېتىملىق تېببىي ياردەم بۇيۇملىرى مۇقدىشوغا يېتىپ باردى
تۈركىيەنىڭ، ۋۇخەن ۋىرۇسى (كوۋىد – 19) غا تاقابىل تۇرۇش خىزمەتلىرى دائىرىسىدە يوللىغان ئىككىنچى قېتىملىق تېببىي ياردەم بۇيۇملىرى سومالىغا يېتىپ باردى.
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى ئىجتىمائىي تاراتقۇ تورى تىۋىتتېردىكى ئادرېسى ئارقىلىق بايانات بېرىپ، جۇمھۇر رەئىس رەجەپ تاييىپ ئەردوغاننىڭ يوليورۇقىغا ئاساسەن تەييارلىنىپ يولغا سېلىنغان ۋۇخەن ۋىرۇسىغا تاقابىل تۇرۇش خىزمەتلىرى دائىرىسىدىكى ئىككىنچى قېتىملىق تېببىي ياردەم بۇيۇملىرىنىڭ سومالىغا يېتىپ بارغانلىقىنى ئۇقتۇردى.
سەھىيە مىنىستىرلىقى بىلەن تۈركىيە ھەمكارلىق ۋە كوئوردىناتسىيە ئاگېنتلىقى (تىكا) تەرىپىدىن تەييارلانغان بىمار يۆتكەش زەمبىلى، كارىۋات ۋە كارىۋات يوپۇقلىرى دېگەندەك بۇيۇملار، تۈنۈگۈن كېچە پايتەخت ئەنقەرەدىكى ئەتىمەسگۇت ھەربىي ئايرودۇرۇمىدىن يولغا چىققانىدى.
تۈركىيە ھاۋا يوللىرى شىركىتىنىڭ ئا400م تىپلىق ھەربىي يۈك ئايروپىلانىغا بېسىلغان تېببىي ياردەم بۇيۇملىرى سومالىنىڭ پايتەختى مۇقدىشوغا يېتىپ باردى.
تۈركىيە، كوۋىد – 19 غا تاقابىل تۇرۇش خىزمەتلىرى دائىرىسىدە بۇنىڭدىن بۇرۇنمۇ سومالىغا تېببىي ياردەم بۇيۇملىرىنى ئەۋەتكەنىدى.
مۇناسىۋەتلىك خەۋەرلەر
خاقان فىدان ئامېرىكادىكى ئۇچرىشىشلىرىنى داۋاملاشتۇرماقتا
تاشقى ئىشلار مىنىستىرى خاقان فىدان قاتار ئەمىرى شەيخ تامىم بىن ھەمەد ئەل تانى بىلەن كۆرۈشتى.
ئەردوغاننىڭ ب د ت دا قىلغان سۆزلىرى دۇنيا مەتبۇئاتلىرىدا كەڭ ئورۇن ئالدى
جۇمھۇر رەئىس رەجەپ تاييىپ ئەردوغاننىڭ ب د ت دا قىلغان سۆزلىرى دۇنيا مەتبۇئاتلىرىدا كەڭ ئورۇن ئالدى.
