6 تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى ئىچكى ئىشلار مىنىستىرلىقى بايانات بېرىپ، ئىچكى بىخەتەرلىكنى كاپالەتكە ئىگە قىلىش ھەرىكەتلىرى دائىرىسىدە، ۋىلايەتلىك ژاندارما قوماندانلىقى بىلەن مىللىي ئىستىخبارات تەشكىلاتىنىڭ، شىرناقنىڭ سىلوپى ناھىيەسى تاغلىق رايونىدا ھاۋا ۋە قۇرۇقلۇقتىن بىرلەشمە زەربە بېرىش ھەرىكىتى ئېلىپ بېرىپ، 6 تېررورچىنى بىر تەرەپ قىلغانلىقىنى، رايوندىكى زەربە بېرىش ھەرىكەتلىرىنىڭ داۋاملىشىۋاتقانلىقىنى ئۇقتۇردى.