erdoghan amérika qoshma ishtatlirini tenqid qildi

türkiye awazi radiyosi xewiri: jumhur reis rejep tayyip erdoghan engliyening «<réytér> agéntliqi» ning soallirigha jawab bergende, y p g/p y d ning bölgünchi térrorluq teshkilati p k k ning süriyediki gumashtisi ikenlikini tekitlep mundaq dédi: «bu roshen heqiqetni qanche qilsaqmu gherb ellirige chüshendürelmiduq. amérika qoshma ishtatliri süriyediki térrorchilargha on minglarche yük aptomobilgha qachilanghan qoral – yaraghlarni yardem qildi. shimaliy atlantik ehdi teshkilatidiki shérikimiz bolghan  amérika türkiyege sétip bermigen qoral – yaraghlarni bu térrorchilargha heqsiz bériwatidu. i amérika! siler türkiyege qarshi urush qiliwatqan térrorchilargha qoral – yaragh bériwatisiler, buni qandaqmu ittipaqdashliq dégili bolsun?!»

türkiyening chégra rayonlirida térrorchilar karidori shekillendürülüshige esla yolgha qoymaydighanliqlirini eskertken jumhur reis erdoghan, mundaq dep körsetti: «tolimu epsuski, amérika qoshma ishtatliri süriye bilen bolghan chégra liniyelirimizde bixeter rayon berpa qilish telipimizni qanduralmaywatidu, shuning bilen, bu bizni qaymuqturush siyasitige aylinip qéliwatidu. sewr - taqet qachimiz téship ketse, öz yolimizgha méngishqa mejbur bolimiz.»