chawushoghlu: türk xelqi we qibris türk xelqi bolmighan kélishim küchke ige emes

türkiye awazi radiyosi xewiri: tashqi ishlar ministiri mewlüt chawushoghlu paytext béyrutta liwan tashqi ishlar ministiri jibran basil bilen körüshkendin kéyin ötküzülgen ortaq axbarat élan qilish yighinida muhim söz qildi.

u türkiyening sherqiy aqdéngizda burghilash paraxotliri bilen qédérip tekshürüsh paaliyetlirini qiliwatqanliqini eskertip, türkiye déngiz tewelikide we shimaliy qibris türk jumhuriyiti ruxset qilghan déngiz tewelikte qibris türk xelqining heq-hoquqini qoghdash üchün heriket qiliwatqanliqini bildürdi.

u sherqiy aqdéngizda shimaliy qibris türk jumhuriyitining we qibris türk xelqining heq-hoquqini adaqqiche qoghdaydighanliqlirini tekitlep: «qibris türk xelqini we türkiye xelqini öz ichige almighan her qandaq kélishim küchke ige emes» dédi.

u süriyeliklerning süriyege qaytish musapisi üstide toxtalghanda, süriyeliklerning yurtigha qaytqandiki endishelirini tilgha aldi. u mundaq dédi:

«xelqaraliq jemiyet süriyege qaytqanlarning asasliq éhtiyajlirini qamdash mesilisige alahide köngül bölüsh kérek. süriyelikler dölitige qaytqanda némilerning qilinishi kérekliki toghrisida liwan, iyordaniye we iraq bilen birlikte ortaq munber quralishimiz mumkin. xelqaraliq jemiyetni bu yerge teklip qilishimiz mumkin.»