enqere: washington türkiyege tehdit sélish bilen héchnémige érishelmeydu
enqere washington hökümitining türkiyege tehdit sélish we heywe körsitish bilen héchqandaq netijige érishelmeydighanliqini bildürdi.
türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, türkiye bilen amérika qoshma ishtatliri heyetliri otturisida ötküzülgen «süriye» témiliq yighinlar heqqide toxtalghanda, mundaq dédi: «bixeter rayon berpa qilinishi mesiliside üch türlük yighin chaqirildi. bizning eng muhim xizmet küntertipimiz, bölgünchi térrorluq teshkilati p k k/y p g ning ishghal qiliwalghan rayonlardin chiqirilishidur.»
amérika qoshma ishtatlirining süriyedin qoshun chékindürüshige alaqidar bir - birige zit bayanatliri toghriliqmu toxtalghan aqsoy, mundaq dep körsetti: «amérika qoshma ishtatliri süriyediki qisimlirini pütünley chékindürmeydighandek qilidu, biraq amérika qoshma ishtatliri küch boshluqining otturigha chiqishigha seweb bolup qalmasliqi kérek, térrorluq teshkilatliri küchlendürülmesliki lazim.»
amérika qoshma ishtatlirining pat - pat tehdit tiligha murajiet qiliwatqanliqini körgenliklirini eskertken aqsoy, washington hökümitining türkiyege tehdit sélish heywe körsitish bilen héchqandaq netijige érishelmeydighanliqini bildürdi.
«« F-35» tipliq urush ayropilanlirining türkiyege tapshurup bérilishige alaqidar talash – tartish toghriliqmu toxtalghan aqsoy, türk uchquchilarning amérika qoshma ishtatlirida bilim ashuruwatqanliqini tekitlep mundaq dédi: «< F-35> tipliq urush ayropilanliri türkiyege tapshurup bérilishke bashlandi, buningdin esla waz kechmeymiz.»
amérika qoshma ishtatlirining türkiyege «wetenperwer» namliq bashqurulidighan bomba hawa mudapiesi sistémilirini sétip bérish teklipi heqqide toxtalghan aqsoy, mundaq dédi: «amérika qoshma ishtatliri kéchikken bolsimu teklip sunushqa bashlidi, bu heqte muzakiriler dawamlashmaqta. bizning rusiyedin sétiwalidighan <400 – s> bashqurulidighan bomba sistémisi bilen amérikidin sétiwalidighan <wetenperwer> namliq bashqurulidighan bomba hawa mudapiesi sistémilirini bir gewdileshtürüsh niyitimiz yoq.»
amérika qoshma ishtatlirining süriyediki «golan égizliki» ni israiliyening igilik hoquqi süpitide étirap qilish qarari toghruluq toxtalghan aqsoy, «<golan égizliki> süriyening térrotériyesi hésablinidu. biz bu qarargha eng deslep naraziliq bildürduq, amérika qoshma ishtatliri bu mesilide yalghuz qaldi» dédi.
aqsoy, firansiye pirézidénti émmanuél makronning «delil – ispatsizla 24 – aprél künini ermeni dewaliri küni» élan qilishini esla untumaydighanliqlirini tekitlep mundaq dédi: «firansiyening bu pozitsiyesi hergizmu bedelsiz qalmaydu. derweqe, firansiyeliklerning buningdin bir esir ilgiri ermenlerni qorallandurup türklerni qetl qildurush mesuliyiti bar.»
u, erméniyening bu heqtiki bayanatighimu naraziliq bildürüp mundaq dédi: «erméniye bayanatchisining bayanat élan qilish uslubi, erméniyening téxi dölet enenisige ige emeslikini körsitidu. derweqe, 1915 – yilqi weqeler qanunluq talash – tartish qilinish mesilisidur. eger erméniye arxiplarni échishqa jüret qilalisa, heqiqiy ehwallar otturigha chiqidu.»
مۇناسىۋەتلىك خەۋەرلەر
türkiye liwangha yardem qolini sundi
türkiye israiliyening hujumigha uchrighan liwangha yardem qolini sundi.
xaqan fidan amérikadiki uchrishishlirini dawamlashturmaqta
tashqi ishlar ministiri xaqan fidan qatar emiri sheyx tamim bin hemed el tani bilen körüshti.