مەۋلۈت چاۋۇشئوغلۇ ئىسرائىلىيەنىڭ خەلقئارا سوتتا سوتلىنىشىنى تەلەپ قىلدى

تۈركىيە ئاۋازى رادىيوسى خەۋىرى: تاشقى ئىشلار مىنىستىرى مەۋلۈت چاۋۇشئوغلۇ تۈركىيە رادىيو – تېلېۋىزىيە ئىدارىسى ت ر ت دە، كۈنتەرتىپكى مەسىلىلەر ئۈستىدە توختالدى.

مەۋلۈت چاۋۇشئوغلۇ ئامېرىكا ئەلچىخانىسىنىڭ 14 – مايدا تېلئەۋىۋدىن قۇددۇسقا يۆتكىلىشىدىن كېيىن غەززەدە يۈ بەرگەن ۋەقەلەر ئۈستىدە توختىلىپ، ھەممەيلەننىڭ ئامېرىكىغا ۋە ئىسرائىلىيەگە كۈچلۈك بىر جاۋاپ قايتۇرۇشى كېرەكلىكىنى بىلدۈردى.

مەۋلۈت چاۋۇشئوغلۇ: «ئىسرائىلىيەنىڭ غەززەدە ئېلىپ بارغان قىرغىنچىلىقلىرىنى خەلقئارا جىنايى ئىشلار سوت مەھكىمىسىگە سۇنۇش لازىم» دېدى. 

ئىسرائىلىيە ئەسكەرلىرى ئامېرىكىنىڭ قۇددۇستا ئەلچىخانا ئېچىشىغا نارازىلىق بىلدۈرۈش ئۈچۈن غەززە چېگارىسىدا نامايىش قىلغانلاردىن 62 پەلەستىنلىكنى شەھىت قىلغان ۋە 3000 دىن ئارتۇق پەلەستىنلىكنى يارىدار قىلغان ئىدى.

تۈركىيە ئىسرائىلىيەنىڭ پەلەستىنلىكلەرگە قىلغان ھۇجۇملىرىغا نارازىلىق بىلدۈرۈپ، ھاياتىدىن ئايرىلغان پەلەستىنلىكلەر ئۈچۈن 3 كۈنلۈك ماتەم ئېلان قىلغان ئىدى.