bozdagh: «zeytun shéxi» herbiy herikiti türkiye üchün mejburiyettur
muawin bash ministir bekir bozdagh süriyening afrin rayonini térrorsitlardin tazilash üchün bashlanghan «zeytun shéxi» herbiy herikitining türkiye üchün tallash emes, mejburiyet ikenlikini éytti.
türkiye awazi radiyosi xewiri: bozdagh istanbulda chaqirilghan «peyghemberlerge chüshken wehiyler arqiliq muqeddes jaygha aylanghan sheher: qudqus» serlewhilik yighinda qilghan sözide, türkiye chégra rayonliri hem yéqin etraplirida qandaqtur bir térrorchilar döliti qurulushigha köz yumushini kütüshning aqilanilik emeslikini, chet el axbarat wasitilirining afrin herikitige kölengge chüshürüshke urunuwatqanliqini tekitlep mundaq dédi: «türkiye xelqara jemiyetning tenqidliridin tep tartqanliqi üchün emes, eksiche toghra ikenlikige ishengenliki, étiqadining, exlaqining we armiye enenisining özige chüshürgen muqeddes permani bolghanliqi üchün puqralarni qoghdawatidu, ularning bir tal qilighimu ziyan yetesliki üchün türlük tedbirlerni éliwatidu hem nahayiti sezgür heriket qiliwatidu.»
«zeytun shéxi» herbiy herikiti zeper bilen axirlashqandin kéyin türkiyening rayondin chékinidighanliqini, u yerde dawamliq qoshun turghuzmaydighanliqini eskertken boghdagh, herbiy heriketning rayondiki térrorluq teshkilatliri üzül - késil yoqitilghan, rayonda tinchliq we muqimliq ornitilghangha qeder izchil dawamlishidighanliqini qeyt qildi.
u sözining axirida térrorsitlargha qoral - yaragh bergen amérika qoshma ishtatlirigha qattiq naraziliq bildürüp mundaq dédi: «herbiy heriketning qisqa waqit ichide axirlishishini xalisanglar, siler baghringlargha bésiwatqan térrorsitlargha bergen qoral – yaraghlarni derhal yighiwélishinglar kérek.»
