ھەربىي مەنبەلەر: تېررورلۇق تەشكىلاتلىرى تېررورچىلارنى پۇقرادەك قىلىپ كۆرسىتىشكە ئۇرۇندى

تۈركىيە ئاۋازى رادىيوسى خەۋىرى: تېررورلۇق تەشكىلاتلىرى پ ك ك / پ ي د – ي پ گ ۋە دائېش ئەزالىرىنىڭ، تۈنۈگۈن سۈرىيەنىڭ ئافرىن رايونىدا باشلانغان زەيتۇن شېخى ھەربىي ھەرىكىتى بىلەن تەڭ تېررورچىلارنى پۇقرالاردەك قىلىپ كۆرسىتىشكە ئۇرۇنغانلىقى قەيت قىلىندى.

تۈرك ھەربىي خادىملار، پۇقرالارنىڭ زىيانغا ئۇچرىماسلىقى ئۈچۈن ناھايىتى يۇقىرى سەزگۈرلۈك بىلەن ھەرىكەت قىلىنىۋاتقانلىقىنى بىلدۈرۈپ، ئاخبارات ۋاسىتىلىرىنى تېررورچىلارنىڭ قارا تەشۋىقاتىغا ئالدىنىپ كېتىشتىن ھوشيار بولۇشقا چاقىردى.

ئېلان قىلىنغان باياناتلاردا، نىشانلارنىڭ بىرىنىڭ دائېشنىڭ رايوندىن تازىلىنىشى ئىكەنلىكى بىلدۈرۈلمەكتە.

تېررورچىلارنىڭ پۇقرالارنى قالقان بولۇشقا مەجبۇرلىغانلىقىنى ئەسكەرتكەن مەزكۇر خادىملار، تېررورلۇق تەشكىلاتىنىڭ يۇقىرى دەرىجىلىك باشلىقلىرىنىڭ ئۆز ئائىلە – تاۋابىئاتلىرىنى ھەرىكەت ساھەسىدىن يىراقلاشتۇرۇشنىڭ غېمىگە چۈشكەنلىكىنى تەكىتلەشتى.