20 يېتىم بالىنىڭ يۈزى كۈلدى
ئىنسان ھەق-ھوقۇقلىرى ۋە ئەركىنلىكلىرى جەمئىيىتى سۈرىيە ۋە تۈركىيەدە 20 مىڭ يېتىم بالىغا قىشىلىق كىيىم-كىچەك تارقىتىپ بەردى.
تۈركىيە ئاۋازى رادىيوسى خەۋىرى: ئىنسان ھەق-ھوقۇقلىرى ۋە ئەركىنلىكلىرى جەمئىيىتى 20مىڭ يېتىم بالىغا قىشلىق كىيىم-كىچەك ياردەم قىلدى.
ئىنسان ھەق-ھوقۇقلىرى ۋە ئەركىنلىكلىرى جەمئىيىتى ئىگە-چاقىسىزلارغا ياردەم قىلىش ئىشخانىسى باشلىقى بەشات باشەر تۈركىيە ۋە سۈرىيەدە ياشاۋاتقان يېتىم بالىلارغا قىشلىق كىيىم-كىچەك تارقىتىپ بەرگەنلىكلىرىنى بىلدۈردى.
جەمئىي 20مىڭ يېتىم بالىغا قىشلىق كىيىم-كىچەك تارقىتىپ بەرگەنلىكلىرىنى ئېيتقان باشەر مۇنداق دېدى: «تۈركىيەنىڭ 15ۋىلايىتى بىلەن ئىچكى ئۇرۇشقا سەھنە بولىۋاتقان سۈرىيەنىڭ ھەر قايسى رايونلىرىدىكى يېتىم بالىلارغا قىشلىق كىيىم-كىچەك تارقىتىپ بەردۇق، تۈركىيەدە 6000، سۈرىيەدە تەخمىنەن 14 مىڭ بالىنىڭ قىشلىق كىيىم-كىچىكى بار بولدى.»
ئىنسان ھەق-ھوقۇقلىرى ۋە ئەركىنلىكلىرى جەمئىيىتىنىڭ تۈركىيەدىكى 75 ۋىلايەتتە 15 مىڭ يېتىم بالىغا ئىگە چىققانلىقىنى ئەسلىتىپ ئۆتكەن باشەر سۆزىنى داۋاملاشتۇرۇپ مۇنداق دېدى: «تۈركىيەدىكى يېتىم بالىلارغا يېمەك-ئىچمەك، مائارىپ ۋە سەھىيە قاتارلىق جەھەتلەردە ياردەم قولىمىزنى سۇنۇپ كېلىۋاتىمىز، 2007-يىلدىن بۇيان بۇ پائالىيىتىمىزنى ئىزچىل داۋاملاشتۇرۇپ كەلدۇق، بىز ساخاۋەتچىلەر سىستېمىسى قۇرۇپ چىقتۇق، ساخاۋەتچىلەرنىڭ ياردىمىنى يېتىم بالىلارغا مۇۋاپىق شەكىلدە يەتكۈزۈپ كېلىۋاتىمىز.»
مۇناسىۋەتلىك خەۋەرلەر
«تۈركىيە-قاتار غەززە ئۈچۈن ياخشىلىق پاراخوتى» بۈگۈن يولغا چىقىدۇ
«تۈركىيە-قاتار غەززە ئۈچۈن ياخشىلىق پاراخوتى» بۈگۈن تۈركىيەنىڭ مەرسىن ۋىلايىتىدىن يولغا چىقىدۇ.