erdoghan D-8 yighinida milliy pul birliklirini ishlitishni telep qildi
dölitimiz jumhur reisi rejep tayyip erdoghan D-8 döletliri otturisidiki sodida öz döletlirining pul birlikini ishlitishning yoli échilghan teqdirde, teshkilat tarixida yéngi inqilabning bashlanghanliqi bolidighanliqini éytti.
türkiye awazi radiyosi xewiri: D-8aliy rehberler yighini «hemkarliship pursetlerni köpeytish» témisida bashlanghan «9-nöwetlikD8iqtisadiy hemkarliq teshkilati aliy rehberler yighini» türkiyening sahibxanliqida bashlandi. jumhur reis rejep tayyip erdoghan yighinning échilishida söz qildi. u mundaq dédi:
«döletler arisidiki sodida milly pul birliklirimizni ishlitishning yolini achalighan teqdirde, D-8 tarixida bir inqlabni bashlighan bolimiz. pul almashturushning bésimi, dollar we yawroning bésimi astida iqtisadimizni éritishke kérek yoq.»
jumhur reis rejep tayyip erdoghan öz ara almashturush birleshmisini qurush üchün, merkiziy bankilarni bir yerge jem qilishni teklip qildi. u: «D-8 döletliri bolush süpitimiz bilen yighinlargha qatnishish sewiyesini ashurup, tetqiqat xizmetlirini we xususiy shirketlernimu buninggha qoshushimiz kérek. dölet bashliqi bolush süpitimiz bilen D-8 rehberler yighinining ehmiyitini yaxshi chüshinishimiz, hemmimiz D-8 ge ige chiqishimiz, téximu küchlük, téximu ünümlük we téximu küchlük qilishimiz üchün chong gheyret qilishimiz kérek» dédi.
u hemme nerse téz özgiriwatqan bu dunyada D-8 ning özgermey oxshash turushi, hetta öz jayida turup qélishini qobul qilghili bolmaydighanliqini tekitlidi. u mundaq dédi:
«yéngi shérikler bilen ishimizni dawamlashturushimiz, teshkilatning chongiyishidin ensirimeslikimiz lazim. qarar chiqirish méxanizmida awaz birlikining ornigha, awaz köplüki bolush usulidin paydilinishimiz kérek. chünki awaz birliki méxanizmi köpinche waqitta, ishlargha tosqunluq qilidu.»
türkiye, iran, pakistan, bangladish, malayshiya, hindonéziye, misir we nigériye qatarliq sekkiz dölet 1997-yili D-8ni qurghan idi.
